7 Feb 2012

సూక్ష్మ గాలిమర బ్యాటరీ ఛార్జర్‌

సూక్ష్మ గాలిమర బ్యాటరీ ఛార్జర్‌

  • ప్రజల నుండి ప్రజల కొరకు..
నిత్యజీవితంలో ఎలక్ట్రానిక్‌ పరికరాల వాడకం పెరుగుతుంది. సెల్‌ఫోన్లు, వాక్‌మెన్లు, బ్యాటరీతో నడిచే ఆటబొమ్మలు, చేతిలో వినియోగించే కంప్యూటర్లు, ల్యాబ్‌ట్యాప్‌లు... ఇలాఎన్నో మన జీవితంలో భాగస్వాములవుతున్నాయి. వీటికి బ్యాటరీలను కొని, వాడాలంటే ఖర్చు ఎక్కువే. ఇప్పుడు ఈ బ్యాటరీలను మామూలు విద్యుత్‌తో ఛార్జి చేసి, వినియోగిస్తున్నాం. దీనికి ప్రత్యామ్నాయంగా విశాఖపట్టణం జిల్లా నుంచి ఎన్‌.వి.సత్యనారాయణ అనే యువకుడు సూక్ష్మ గాలిమరతో పనిచేసే బ్యాటరీ ఛార్జర్‌ను రూపొందించాడు (చిత్రాలను చూడండి).
ఈయన రూపొందించిన గాలిమర కేవలం 3.5 × 3 సెం.మీ.ల వెడల్పు కలిగి ఉంది. మామూలు గాలితో ఇది తిరుగుతూ ఒక యాంపియర్‌ విద్యుత్‌ వరకూ(12 ఓల్టులు) ఉత్పత్తి చేస్తుంది. ఈ విద్యుత్‌తో మామూలు బ్యాటరీలతో పనిచేసే ఎలక్ట్రానిక్‌ వస్తువులు పనిచేస్తాయి. విద్యుత్‌ సౌకర్యం లేనిచోట ఈ యంత్రాన్ని ఉపయోగించి ఎలక్ట్రానిక్‌ పరికరాలను వినియోగించుకోవచ్చు. విద్యుత్‌ సంరక్షణకు కూడా ఇది తోడ్పడుతుంది. స్థానిక ఆవిష్కరణల జాతీయ పోటీల్లో (నేషనల్‌ ఇన్నోవేషన్స్‌ ఫౌండేషన్‌-ఇన్నోవేషన్‌ ఎట్‌ గ్రాస్‌రూట్‌ లెవల్స్‌- 2002లో) దీనికి రెండవ బహుమతి కూడా లభించింది.
గమనిక: ఈ పేజీపై మీ స్పందనలను 9490098903కి ఫోను చేసి తెలియజేయండి.

No comments: