సెమీకండక్టర్ ‘గురు’ ఇకలేరు

• 
  11/02/2012
 | 
• -వి.ఆర్.సి.మూర్తి

సెమీకండక్టర్ ‘గురు’ ఇకలేరు

మైక్రాన్ టెక్నాజీ సిఇవో స్టీవ్ అపిల్టన్ ఫిబ్రవరి 3న జరిగిన విమాన ప్రమాదంలో మృతి చెందారు.
 సెమీ కండక్టర్స్ టెక్నాజీలో నూతన ఒరవడిని సృష్టించి కొత్త ఆవిష్కరణలకు శ్రీకారం
 చుట్టిన స్టీవ్ అపిల్టన్ ఎన్నో పురస్కారాలను అందుకున్నారు. 1960 మార్చి
31 కాలిఫోర్నియాలో జన్మించారు. మైక్రాన్ టెక్నాలజీలో 1983లో చిన్న ఉద్యోగంలో
చేరిన అపిల్టన్ అంచలంచలుగా మేనేజర్, డైరెక్టర్, వైస్ ప్రెసిడెంట్ ఆతర్వాత సిఇవో
స్థానానికి ఎదిగారు. క్లింటన్ హయాంలో అపిల్టన్ ప్రతిభను అమెరికన్ ప్రభుత్వం గుర్తించింది.
స్టేట్ సుప్రీంకోర్టు అడ్వయజరీ కౌన్సిల్ అపిల్టన్‌ను నేషనల్ సెమీకండక్టర్ టెక్నాలజీ కౌన్సిల్
ఎంపిక చేసింది. వరల్డ్ సెమీ కండక్టర్ కౌన్సిల్‌కు కూడా ఆయన ఎంపికయ్యారు. రెండు
పదవులను సమర్థవంతంగా నిర్వహిస్తూనే మైక్రాన్ టెక్నాలజీ సిఇవోగా కంపెనీకి విశిష్టసేవలు
అందించారు. అపిల్టన్ కెరీర్‌లో ఇటు వృత్తి ధర్నాన్ని నిర్వహిస్తూనే ఎప్పటికప్పుడు
పరిశోధనకోసం కొంత సమయం కేటాయించే వాడు. ఈ నేపధ్యంలో ఇన్‌ఫర్మెషన్
టెక్నాలజీ రంగంలో ఎన్నో అవార్డులను అందుకున్నారు. చివరగా 2011లో రాబర్డ్ నైసీ
అవర్డును అందుకున్నారు. ఫిబ్రవరి 3న బోసీ విమానాశ్రయంలో అపిల్టన్ ప్రయాణిస్తున్న
ప్రైవేట్ విమానం అత్యవసరంగా దింపాల్సి వచ్చినప్పుడు జరిగిన ప్రమాదంలో మృతి చెందాడు.
అంతకు ముందు 2004 సంవత్సరంలో కూడా జరిగిన ఘోర విమానప్రమాదం నుంచి తృటిలో
ఆయన తప్పించుకున్నారు. అప్పుడు జరిగిన ప్రమాదంలో అపిల్టన్ తలకు, ఊపిరితిత్తులకు,
వెనె్నముకకు గాయాలు అయ్యాయి. కారు రేస్‌లు అంటే ఆయనకు సరదా. 2006
సంవత్సరంలో 1,047 మైళ్లు 25 గంటల 25 నిముషాల్లో నడిపి రికార్డును సృష్టించాడు.
సెమీ కండక్టర్‌లో చేసిన నిరంతర పరిశోధనల వల్ల ఎక్కువ సామర్థ్యంకల ఫ్లాష్ మెమరీ
అపిల్టన్ నేతృత్వంలో తయారు చేయడం సాధ్యమైంది. మైక్రో టెక్నాలజీని ఫ్లాష్‌మెమరీ
పుణికిపుచ్చుకోవడంవల్ల ఎంతకాలమైనా డేటా భద్రంగా నిలువ ఉంచుకునే చిన్ని పెరిఫిరల్స్
ఉత్పత్తి సాధ్యం అయింది.
ఇదీ నిరసనే..!?
నిరసన వ్యక్తం చేయడానికి ఇంటర్‌నెట్ వేదిక అయింది. ప్రభుత్వ విధానాలను విమర్శించాలన్నా,
నిరసన వ్యక్తం చేయాలన్నా అందుకు ప్రత్యేక ఏర్పాట్లు కావాలి. మంది మార్బలం కావాలి.
అనుకున్నది అనుకున్నట్లు ఇతరులకు తెలియజెప్పాలంటే ఏచేయాలి? అని యూరోపియన్
యూనియన్ పరిధిలోని సల్వేనియా యువత అనుకుంది. చాలా కాలంగా ఎసిటిఎ అనే కొత్త
చట్టాన్ని దేశంలో అనుమతి చేయవద్దని యువత చేస్తున్న నిరసనను ప్రభుత్వం
ప్రట్టించుకోవడంలేదు. ఈ నేపథ్యంలో సల్వేనియా కంప్యూటర్ మేధావులకు చిత్రమైన ఆలోచన
వచ్చింది. దేశంలోని వ్యాపార లావాదేవీలు ఒక రోజు స్తంభిపజేయాలి. ఇందుకోసం ఆయా సంస్థల
సిబ్బందితో ఆందోళన చేయించడం సాధ్యం అయ్యే పనిలా కనిపించలేదు. వ్యాపార లావాదేవీలు
నిర్వహించడానికి ఉపయోగపడే బ్యాంకులు పనిచేయకుండా చేస్తే ఎలా ఉంటుందన్న ఆలోచన
వచ్చింది. వెంటనే ఏన్‌ఏల్ బ్యాంకును హాక్ చేసారు. గతవారం ప్రారంభంలో ఒకరోజు బ్యాంకు
హాక్ చేసారు. బ్యాంకు లావాదేవీలు పూర్తిగా నిలిచిపోయిన తరువాత దేశం చేస్తున్న ఒప్పందానికి
వ్యతిరేకంగా తాము ఇలా నిరసన చర్యకు పాల్పడినట్లు ప్రకటించారు. సుమారు రెండు గంటల
పాటు బ్యాంకు కార్యకలాపాలు స్తంభించాయి. వెంటనే ప్రభుత్వం జోక్యం చేసుకుని దర్యాఫ్తుకోసం
ఒక రోజు మొత్తం లావాదేవీలను నిలిపివేసాయి. ఎసిటిఎ చట్టాన్ని ప్రపంచ వ్యాప్తంగా అమలు
చేస్తున్నారు. ఇప్పటికే యూరోపియన్ యూనియన్ లోని 22 దేశాలలో మేజార్టీ దేశాలు
ఆమోదం తెలిపాయి. గత సంవత్సరం అక్టోబర్ 1 నాటికి ఆస్ట్రేలియా, కెనడా, జపాన్, న్యూజిలాండ్,
సింగపూర్, దక్షిణ కొరియా అమెరికా ఎసిటిఎచట్టాన్ని అమలు చేయడానికి ముందుకు వచ్చాయి.
ఇదేవిధంగా అరబ్ దేశాలకు చెందిన యువకుడు ఒకరు నిరసన గతంలో నిరసన వ్యక్తంచేసాడు.
ట్విట్టర్‌లో కోర్టు తీర్పులుసామాజిక నెట్‌వర్క్ సైట్లను బహుళ ప్రయోజనాలకు ఉపయోగించవచ్చని
బ్రిటన్ సుప్రీంకోర్టు ప్రయోగాత్మకంగా నిరూపించింది. ఇందుకోసం ద్దఆఆఔ:// ఆతీఖఆఆళూ.ష్యౄ
/శ్రీడఖఔళౄళ్ళ్యఖూఆ అని మైక్రోబ్లాగింగ్ ప్రారంబించింది. ట్విట్టర్ అంటే వదంతులు, అవాస్తవాలు
అన్న నానుడి వ్యాపిస్తున్న ఈ రోజుల్లో దీనిని ఒక ప్రయోజనానికి ఉపయోగించవచ్చని యుకె
సుప్రీంకోర్టు భావించింది. ఒక వ్యాపారం ప్రారంభిస్తే దాని అభివృద్ధి అంచలంచలుగా ఎదగాలంటే
ఒక వదంతిని వ్యాప్తి చేయాలనే మూఢాచారాన్ని ట్విట్టర్ వేదికగా చాలా మంది ఉపయోగించు
కుంటున్నారు. గానకోకిల మృతి చెందారంటూ ఎవరో ఒకరు చేసిన ట్విట్టర్ పోస్టింగ్‌కు కుప్పతెప్పలుగా
వస్తున్న సంతాప సందేశాలను జవాబుగా నాకేం కాలేదు... అభిమానులు ఆందోళన పడాల్సిన అవసరం
లేదు... నేను జీవించే ఉన్నానంటూ స్వయంగా ఇటు మీడియాలో అటు ఇంటర్‌నెట్ ట్విట్టర్‌లో
ప్రకటించుకోవాల్సి వచ్చిన విషయం విధితమే. ఇలాంటి సంఘటనలు ఒక మనదేశంలోనే కాదు
ప్రపంచ వ్యాప్తంగా జరుగుతున్నాయి. ఇది ఇలా ఉంటే 2009లో కోర్టు ముందుకు వచ్చిన వికీలీక్స్
ఉదంతాన్ని దృష్టిపెట్టుకునే ట్విట్ ప్రారంభించినట్లు బోగట్టా. అంతేకాకుండా ట్విట్టర్‌లో ట్విట్ చేస్తే
అది ఒక వాస్తవం యధార్థం అన్న చందంగా ఉండాలని బ్రిటన్ సుప్రీంకోర్టు భావించింది. కోర్టులో
వచ్చిన తీర్పులను వెంట వెంటనే ట్విటర్‌లో ఉంచడానికి వీలుగా సుప్రీంకోర్టు కార్యాలయంలోనే
ఒక విభాగం ఫిబ్రవరిలో ప్రారంభించారు. ఈ మైక్రోబ్లాగ్‌లో సమాచారం చూడాలంటే ముందుగా
వివరాలు నమోదు చేసి లాగిన్ కావాల్సి ఉంటుంది. ఇలా లాగిన్ అయిన తరువాతగానీ ట్విట్టర్‌లో
పోస్ట్‌చేసిన సమాచారం కనిపించదు. ఒక మారు నమోదు చేసుకున్నవారు ఎప్పటికప్పుడు కోర్టు
తీర్పులు, సంబంధిత తాజా సమాచారం ట్విట్టర్ ద్వారా అందుతుంది.రాజధానిలో సైబర్ నేరాలు
హైదరాబాద్‌లో సైబర్ నేరాలు నమోదు అవుతున్నాయి. ఇందుకు సంబంధించిన కేసులను
కూడా సైబర్ పోలీసులు వెంటవెంటనే పరిష్కరిస్తున్నారు. ప్రమేయంలేకుండా మెయిల్‌లో ఉన్న
ఫొటోలను ఎడిట్ చేసి బ్లాగ్‌లలో అశ్లీలంగా ఉంచుతున్నారంటూ ఒక సాఫ్ట్‌వేర్ ఇంజనీర్ చేసిన
ఫిర్యాదుతో బెంగుళూరులో ఉన్న నిందితుని పట్టుకుని కటకటాలకు పంపారు. ఒకే కంపెనీలో
సహోద్యోగిగా పనిచేసిన ఒక వ్యక్తి వివిధ సందర్భాలలో మహిళా ఉద్యోగిని తీసిన చిత్రాలను ఇందుకు
ఉపయోగించినట్లుగా సైబర్ పోలీసులు కనుగొన్నారు. తొలుత ఫిర్యాదు వచ్చిన వెంటనే ఫొటోలు
ఎక్కడి నుంచి పోస్టింగ్ అవుతున్నాయో పరిశీలించారు. ఇ-మెయిల్ ఎక్కడనుంచి లాగిన్ చేస్తున్నారన్న
అంశంపై దృష్టిపెట్టారు. ఫిర్యాదు చేసిన అమ్మయి పనిచేస్తున్న కార్యాలయంలో గతంలో పనిచేసిన
సిబ్బంది వివరాలు వాకబ్ చేశారు. ఐపి చిరునామా ఆధారంగా గతంలో హైదరాబాద్‌లో పనిచేసిన
యువకుని గుర్తించారు. విచారణ జరపగా తన ప్రేమను తిరస్కరించినందకు గాను అమెను
అప్రతిష్ఠపాలు చేయడానికే అమె మెయిల్ ఐడి ముందుగా తెలిసి ఉండటంచేత దానిని హాక్
చేశానని తెలిపాడు. మెయిల్‌లో ఉన్న ఫొటోలను ఎప్పటికప్పుడు అశ్లీల చిత్రాలకు గ్రాపిక్ చేస్తూ
వచ్చానని, ఇలా చేసిన ఫొటోలను ఆమె మెయిల్‌లో ఉన్న ఇతర చిరునామాలకు మెయిల్
చేశానని వెల్లడించారు. ఇలాంటి నేరాలు ఎక్కువగా నమోదు అవుతుండటంతో మెయిల్ చిరునామా
హాక్ కాకుండా చూసుకోవడానికి చిన్న చిన్న చిట్కాలను ఆచరించాలి. ముఖ్యంగా మెయిల్
చిరునామాలు, ఇతర ఇంటర్‌నెట్ ఎకౌంట్లకు సంబంధించిన పాస్‌వర్డ్‌లను ఎప్పటికప్పుడు
మార్చుకోవాలి. మెయిల్ లాగిన్ అయిన వెంటనే గతంలో లాగిన అయిన సమయం నమోదు
అయ్యేలా చూసుకోవాలి. కొత్తగా వచ్చిన మెయిల్స్‌ను ఇతరులు చదివినట్లు అనుమానం వస్తే

• వెంటనే మెయిల్ చిరునామాను కొంతకాలం బ్లాక్ చేయాలి.

కూల్‌డ్రింకును తాగెవారికి షాక్‌న్యూస్

కూల్‌డ్రింకును తాగెవారికి షాక్‌న్యూస్

                       పురుగుమందులున్నాయన్న భయంతో గతంలో 

కూల్‌డ్రింకులను కొంతకాలం దూరం పెట్టాం.మళ్లీ వేసవికాలమొచ్చే
సరికి షరామామూలే. కానీ.. శీతల పానీయాలు ఖచ్చితంగా 
డేంజరస్సనడానికిమరో రీజన్‌ దొరికింది. చక్కెరపాళ్లు ఎక్కువగా 
వుండే కార్బొనేటెడ్ ఎలిమెంట్స్ వల్ల కూల్‌డ్రింక్స్‌ మనిషికి ప్రమాదం
తెచ్చిపెడతాయని సైంటిస్టులు చెబుతున్నారు. క్లోమ కాన్సర్‌కు దారితీసే 
ఇలాంటి కూల్‌డ్రింకులు.. వారానికి రెండుసార్లకు మించి తీసుకోకూడదట. 
సింగపూర్‌లో 14 ఏళ్లలో ఏకంగా 60 వేలమంది జనం ఈ కాన్సర్‌బారిన పడ్డట్టు 
తేలింది. శీతలపానీయాలను మోతాదుకుమించి వినియోగించే ఇండియాలో 
కూడా ఈ ప్రమాదం పొంచివుందట. సో.. సమ్మర్‌లో సేదదీరదామని 
కూల్‌డ్రింకును టచ్‌ చేసేవారందరికీ ఇదో షాక్‌న్యూస్. 

Read more: http://detectivesworld.blogspot.com/2012/02/blog-post_6426.html#ixzz1mgoOyZ00

చైనా, ఇండియాల్లో క్రమశిక్షణ

చైనా, ఇండియాల్లో క్రమశిక్షణ -ఫొటో

క్లిక్ చేసి పెద్దది చూడండి

(ఫేస్ బుక్ నుండి సేకరణ)

ఈ ఫొటో ప్రచురణ చైనాని గొప్ప చేయడానికీ కాదు, ఇండియాని తక్కువ చేయడానికీ కాదు. బస్టాండ్లలో, రైల్వే స్టేషన్లలో, వివిధ అవసరాల కోసం జనం కూడే ఇతర ప్రదేశాల్లో ఒకరిపై ఒకరు పడుతూ, ముందున్న వారిని నెట్టివేస్తూ తానే ముందుకు చేరాలన్న ఆత్రుతలో, తమ దాకా రాదేమో అన్న ఆందోళనతో ఉన్నపుడు, సాధారణంగా ఇటువంటి పరిస్ధితులు కనిపిస్తుంటాయి. అందరికి సరిపడా ఉంది, కనుక అందరికీ అందుతుంది అన్న భరోసా ఉంటే ఈ తోపులాటలు తప్పుతాయి. క్యూలో నిలబడ్డ ప్రతి ఒక్కరికీ కావలసింది అందుతుంది అన్న నమ్మకం ఉంటే ముందున్నవాడిని వెనక్కి నెట్టేయాలన్న ఆలోచన రాదు. అలా కాక అవసరమైనవీ, అత్యవసరమైనవీ కొద్ది సంఖ్యలో మాత్రమే ఉంటేనో, అవి అవసరమైనవారు అనేక రెట్లు ఉంటేనో తమ దాకా రాదన్న ఆత్రుత, ఆందోళన ఉదయించడం సహజం. అంటే, ప్రజలకు సౌకర్యాల కల్పన పూర్తి స్ధాయిలో అందుబాటులో ఉంచగల ప్రభుత్వాలు ఈ పరిస్ధితిని నివారించ గలవు. ప్రజలకు చెందవలసింది కూడా తామే నొక్కేస్తూ ఉన్న పాలకులు ఉన్న భారత దేశంలో ఈ పరిస్ధితి కాకుండా మరొక పరిస్ధితి ఎలా ఉంటుంది? ఈ చిత్రాన్ని ఆ కోణంలో నుండే చూడాలి.

పరీక్షల సమయాన్ని సద్వినియోగం చేసుకోండిలా...

Share యువతరంగం డెస్క్    Tue, 8 Feb 2011, IST  

ఇంకెన్ని రోజులో కాదు. ఒక్క నెల... కేవలం ఒకే ఒక నెల... ఆ తర్వాత ఇక పరీక్షలే. ఏం చదివినా ఈ లోపే చదవాలి. ఎంత చదివినా ఈ సమయాన్నే సద్వినియోగం చేసుకోవాలి. పదో తరగతి, ఇంటర్మీడియట్‌ పరీక్షలు సమీపిస్తున్నందున విద్యార్థుల్లో మొదలవుతున్న అలజడి యిది. బ్రిలియంట్‌ స్టూడెంట్స్‌కైనా, యావరేజ్‌ స్టూడెంట్స్‌కైనా ఇది 'పరీక్షా'కాలమే మరి. అందులో నెగ్గాలంటే... ఉన్న తక్కువ సమయాన్ని సద్వినియోగం చేసుకోవాలంటే అనవసర ఒత్తిడిని దూరం చేసుకోవాలి.

''మీరేం చేస్తారో తెలియదు. ఎవ్వరూ ఫెయిలవ కూడదు. చెప్పినందుకు మా పరువు... స్కూల్‌ పరువు నిలబెట్టండి'' కొందరు ప్రయివేటు, కార్పొరేటు పాఠశాలల ఉపాధ్యాయుల హెచ్చరికలివి.''వేలకు వేలు తగలెడ్తున్నాం. పాసవ్వకుంటే మా పరువే కాదు. నువ్వు కూడా పనికి రాకుండా పోతావ్‌'' కొందరు తల్లిదండ్రుల వార్నింగ్‌ ఇది.''నువ్వు పాసవ్వాలన్నదే మా కోరిక. టెన్షన్‌ పడకుండా చదువుకో. కష్టపడితే తప్పక పాసవుతావు. ఆ నమ్మకం మాకుంది'' ఉపాధ్యాయులతో, తల్లిదండ్రులతో విద్యార్థులకు ఎదురవుతున్న అనుభవాలివి. ఇలాంటి సలహాల్లోనూ, హెచ్చరికల్లోనూ తమ విద్యార్థులు మంచి మార్కులు తెచ్చుకోవాలన్న తపన వుండొచ్చు కానీ, అదే సందర్భంలో వారిని మానసికంగా సంఘర్షణలకు గురిచేసే పాజిటివ్‌, నెగెటివ్‌ అంశాలూ ఉన్నాయి. మొదటి రెండు వాక్యాలవల్ల విద్యార్థుల్లో నెగెటివ్‌ ఫీలింగ్స్‌ ఏర్పడే అవకాశం ఎక్కువ. ఇక మూడో వాక్యం వారిలో ఆత్మ విశ్వాసం కలిగిస్తుంది. కాబట్టి బాగా చదవడానికి ఒక ప్రశంస, ఒక పొగడ్త టానిక్‌లా పనిచేస్తుంది. 'నువ్వు చేయగలవు' 'సాధించగలవు' లాంటి మాటలు ప్రేరణగా నిలిచి విజయం వైపు నడిపిస్తాయి.
'ఫలానా అబ్బాయి చూడు ఎంత బాగా చదువుతున్నాడో ఎప్పుడు చూసినా పుస్తకం చేతిలో వుంటుంది. చదివేది గట్టిగా విన్పిస్తుంది. నీకెంత చెప్పినా బుద్ధి రాదు. ఏ కొద్దిసేపో చదువుతుంటావు' పక్కింటి పిల్లలు చదివేది వినో, చూసో తమ పిల్లల్ని కూడా అలా చదవాలని హెచ్చరిస్తుంటారు. దీనివల్ల పిల్లల్లో చదవాలన్న ఆసక్తికి బదులు తమ ముందు పొగిడిన వారి గురించి ఆలోచించే ప్రమాదం ఎక్కువ. కాబట్టి ఎప్పుడూ ఇతరుల గురించి పొగుడుతూ తమ పిల్లల్ని కించపరిచే విధంగా మాట్లాడవద్దు. ఇతరుల్ని మెచ్చుకోవచ్చు కానీ వారితో పోల్చుతూ పిల్లల్ని చులకన చేయడమనేది వారిలో వ్యతిరేక ఆలోచనలకు దారి తీస్తుంది. ఆత్మ విశ్వాసం సన్నగిల్లుతుంది. అపసవ్య ఆలోచనల సంఘర్షణలు మెదడు మెమరీలో చేరి జ్ఞాపక శక్తిని హరిస్తాయి. కాబట్టి పిల్లల్ని తీవ్రంగా ప్రభావితం చేసే విధంగా మాటలుగానీ, చేతలుగానీ ఉండ కూడదు. ఉపాధ్యాయులైనా, తల్లిదడ్రులైనా విద్యార్థుల్ని తక్కువ చేసి మాట్లాడుతున్నారంటే ఇతరులతో పోల్చి కించపర్చుతున్నారంటే... వారిని ఓటమి దారిలో నడిపిస్తున్నట్లే లెక్క.
''నువ్వు బాగా చదువుతావని తెలుసు. ఇంకాస్త కష్టపడితే ర్యాంకు తెచ్చుకోగలవు'' అన్నారనుకోండి. ఈ ఒక్క మాటే ఎంతో ప్రేరణను ఇస్తుంది. సాధించి తీరాలన్న కసిని పెంచుతుంది. లక్ష్యం వైపు నడిపిస్తుంది. చదువకపోతే మాట నిలబెట్టుకోలేమన్న ఫీలింగ్‌ కలిగిస్తుంది. అది పట్టుదలని పెంచుతుంది. ఆ కృషి తప్పక ఫలిస్తుంది.
పరీక్షలు దగ్గర పడుతున్నాయి కదా! ఇక సినిమాలుబంద్‌, ఆటలు బంద్‌, ఫ్రెండ్స్‌తో మాట్లాడటం బంద్‌ ఇలాంటివి విద్యార్థులు తమకు తాము ఓ లిమిట్‌లో పెట్టుకునేలా ఆ ఆలోచనల వారిలో కల్పించాలె తప్ప బలవంతంగా వారిని పట్టి పట్టి చేయించినట్లు ఉండకూడదు. పరీక్షలయితే మాత్రం ఏకబిగిన గంటల తరబడి పుస్తకం పట్టుకొని కూర్చున్నంత మాత్రాన మంచి మార్కులు తెస్తారనుకోలేం. ఎంత సేపు చదివారనే దానికన్న ఎంత నేర్చుకుంటున్నారన్నదే ముఖ్యం. అందుకు ఆసక్తి కూడా ముఖ్యం. ఆసక్తితో అరగంట చదివినా అది బాగా గుర్తుండి పోతుంది. ఆసక్తి లేకుండా పొద్దస్తమానం చదివినా అది నెత్తికెక్కకపోవచ్చు. అలాగని విద్యార్థుల్ని దారిలో పెట్టకూడదని కాదు. వారికి విషయం అర్థమయ్యేలా చేయగలగాలన్నదే ఇక్కడ ముఖ్యం. కాబట్టి ఇక్కడ విద్యార్థుల మనస్తత్వాన్ని అర్థం చేసుకొని మసలు కోవాలి. చదువుతోపాటు ఆడుకోవడానికి, రిలాక్స్‌ అవడానికి టైమివ్వాలి.
ఇలా చదవాలని? ఈ విధంగా చదవడం పద్ధతనీ పరీక్షల ముందు విద్యార్థులను ఇబ్బంది పెడుతుంటారు. అయితే ఇన్నాళ్లు ఎలా చదివితే తమకు అర్థమైందో, ఎలా చదివితే తాము మంచి మార్కులు స్కోర్‌ చేయగలుగుతున్నారో ఆ పద్ధతినే విద్యార్థులు ఈ ఉన్న తక్కువ సమయంలో కూడా పాటిస్తే మంచిది. అంతేగాని ఇన్నాళ్లూ లేనిది ఇప్పుడు కొత్త తరహా ప్రాక్టీస్‌వల్ల కన్‌ఫ్యూజ్‌ అవడగమేగాక ఫలితాలు తారుమారు కావచ్చు కాబట్టి, మీరు ఎలా చదివితే బాగా మార్కులు తెచ్చుకోగలమని భావిస్తున్నారో ఆ పద్ధతి అనుసరించడమే మంచిది. కొందరికి గట్టిగా చదివితేగానీ గుర్తుండదు? మరి కొందరికి ఎవ్వరికీ వినబడకుండా తమలో తాము చదువుకుంటేనే నెత్తికెక్కుతుంది. ఇంకొందరికి టివి చూస్తూనో, మ్యూజిక్‌ వింటూనో చదివితే తొందరగా గుర్తుండి పోతుంది. ఈ హాబీలు, అలవాట్లు కేవలం పరీక్షలకు నెలరోజుల ముందుమాత్రమే గమనించి బలవంతంగా మరోలా చదివించాలనుకుంటే అది వారి ఓటమికి కారణం కావచ్చు. ఎలా చదివితే విద్యార్థులు బాగా గుర్తుంచుకోగలుగుతారో... ఎలా చదివితే మంచి మార్కులు తెచ్చుకోగలుగుతారో... ఎలా చదివితే పాసవుతామన్న విశ్వాసం వారు ప్రదర్శించగలుగుతారో అలాగే చదవనివ్వండి. విద్యార్థులూ... మీరూ అదే ఫాలో అవండి. అతి తక్కువ సమయంలో అదే సరైన పద్ధతి.

పరీక్షలవేళ ... గట్టెక్కేదెలా?

పరీక్షలవేళ ... గట్టెక్కేదెలా?

Shareయువతరంగం డెస్క్   Tue, 14 Feb 2012, IST  

'చూస్తుండగానే విద్యార్థులకు పరీక్షల సమయం సమీపిస్తోంది. మహా అంటే ఇంకెన్ని రోజులో లేవు. కేవలం నెలరోజులు మాత్రమే... ఆ తర్వాత ఇక పరీక్షలే. ఏం చదివినా ఈ లోపే చదవాలి. ఎంత చదివినా ఈ సమయాన్నే సద్వినియోగం చేసుకోవాలి' మార్చిలో పదో తరగతి, ఇంటర్మీడియట్‌ పరీక్షలు ఉన్నందున విద్యార్థుల్లో మొదలవుతున్న అలజడి యిది. బ్రిలియంట్‌ స్టూడెంట్స్‌కైనా, యావరేజ్‌ స్టూడెంట్స్‌కైనా ఇది 'పరీక్షా'కాలమే మరి. అందులో నెగ్గాలంటే... ఉన్న తక్కువ సమయాన్ని సద్వినియోగం చేసుకోవాలంటే అనవసర ఆందోళనను, ఒత్తిడిని దూరం చేసుకోవాలి.

పరీక్షలు దగ్గర పడుతున్నాయి. ఫలితంగా విద్యార్థుల్లో టెన్షన్‌ మొదలవుతోంది. ఇన్నాళ్లు చదువుతోపాటు ఆటాపాటలకు సై అన్న విద్యార్థులు ప్రస్తుతం కేవలంస్టడీ అవర్స్‌మీదే దృష్టి సారిస్తున్నారు. తల్లిదండ్రులు, ఉపాధ్యాయులు కూడా ఎలా చదవాలో తమ పిల్లలకు సూచనలిస్తున్నారు. కొందరైతే కచ్చితంగా 90 శాతం తెచ్చుకోవాలని హెచ్చరిస్తున్నారు. దీనివల్ల విద్యార్థులు మరింత ఆందోళనకు గురయ్యే అవకాశం ఉంటుంది. కాబట్టి ఎగ్జామ్స్‌ అనగానే ఏదో యుద్ధానికి బయల్దేరుతున్నంత హడావిడితో అనవసర ఆందోళన చెందడంవల్ల ఫలితం ఉండదు. పైగా అది అపసవ్య ఆలోచనలకు దారి తీస్తుంది. కాబట్టి చదువుకునేందుకు అనువైన పరిస్థితుల్ని కల్పించాల్సిన బాధ్యత తల్లిదండ్రుల పైనా ఉంది.

పరీక్షల తేదీ దగ్గరపడుతోందనో, పరీక్షలు ఎలా జరుగుతాయోననో అనవసర ఆందోళన చెంద కూడదు. ఎందుకంటే ఇన్నాళ్లుగా మీరు చదివిన సబ్జెక్టుల్లోంచే ప్రశ్నలు వస్తాయి. అప్పటికే అవన్నీ రివిజన్‌ చేసిన వాళ్లు అస్సలు ఇబ్బంది పడాల్సిన అవసరం లేదు. రిలాక్స్‌డ్‌గా ఉంటూ మరోసారి పునశ్చరణ చేసుకుంటే చాలు. 'నేను బాగానే చదివానుగానీ పరీక్ష హాల్లోకి పోయే సరికి ఇవి గుర్తుంటాయో లేదో' అన్న అనుమానం చాలా మంది విద్యార్థులను వెంటాడుతుంది. 

ఇలాంటి ఆలోచన అస్సలు రానీయ కూడదు. బాగా చదివేవాళ్లు కూడా ఇలాంటి అపసవ్య ఆలోచన్లకు ప్రభావితమైతే ఫలితాలు కూడా వ్యతిరేకంగానే ఉంటాయి. ఎప్పుడూ ఆత్మ విశ్వాసంతో ఉండాలి. ఒక్కసారి నేర్చుకున్నది ఇంకెప్పుడూ మర్చిపోలేమన్న ధీమా కలిగి ఉండాలి. సహజంగానే ఇలాంటి ఆలోచన్లు ఉన్నవారు, ఎలాంటి టెన్షనూ పడనివారు యావరేజ్‌ స్టూడెంట్స్‌ అయినా ఎంచక్కా పరీక్షలు రాసి గట్టెక్కుతుంటారు. కొన్నిసార్లు బాగా చదివే స్టూడెంట్స్‌ కూడా తక్కువ మార్కులతో పాసవడమో, ఫెయిలవడమో చూస్తుంటాం. దీనికి కారణం పరీక్షలపట్ల వాళ్లకున్న ఆందోళనా, అపసవ్య ఆలోచనా, భయమూను. కాబట్టి ఇన్నాళ్లు చదివిందానికి ఫలితం దక్కాలంటే ఫరీక్షల్లో ప్రతిభ కనబర్చాలి. అందుకోసం విద్యార్థులు ప్రశాంతంగా, ధైర్యంగా ఉండి చదువుకోవాలి.

ప్లాన్‌ ప్రకారం

అసలే పరీక్షల సమయం. ఇప్పుడు ఉన్న సమయంలోనే అన్ని సబ్జెక్టులూ రివిజన్‌ చేసుకోవాలి. అలాగనీ ప్రతీ సబ్జెక్టు గడగడా చదువుతూ పోతే ఫలితం ఉండదు. ఇప్పటికే మీకు సబ్జెక్టులపట్ల అవగాహన వచ్చి ఉంటుంది కాబట్టి, పరీక్షలను దృష్టిలో పెట్టుకొని ఏది ఎలా చదవాలో ఒక ప్లాన్‌ రూపొందించుకోండి. అవసరమైతే ఒక అట్టమీదో, నోట్‌బుక్‌లోనో ఒక టేబుల్‌ గీసి టైమ్‌టేబుల్‌ తయారు చేసుకోండి. ఇందుకోసం ఉపాధ్యాయుల సలహా కూడా తీసుకోవచ్చు. ప్రతీరోజు దానిని ఫాలో అయితే చక్కని ఫలితం ఉంటుంది.

షార్ట్‌ఫార్ములా పాటిస్తే...

ఒక ప్రశ్నకు జవాబు రాయాలనుకున్నప్పుడు ఏం చేస్తారు? కొందరు బట్టీపట్టి చదువుతుంటారు. తీరా ఎగ్జామ్‌ హాల్లోకి వెళ్లాక గుర్తుకురాక తలపీక్కుంటుంటారు. అదే షార్ట్‌ ఫార్ములా పద్ధతిలోనో, అవగాహన చేసుకుంటూ చదివితేనో ఇలాంటి పరిస్థితి రాదు. కాబట్టి బట్టీ పద్ధతి అస్సలు పనికి రాదు. షార్ట్‌ ఫార్ములాను మీ అంతకు మీరే రూపొందించుకొని ఆ ప్రకారం చదివితే ఫలితం ఉంటుంది. ఉదాహరణకు పది మార్కుల ప్రశ్నకు జవాబు రాయాలన్నప్పుడు అంతపెద్దది గుర్తుంచుకోవడం కష్టంకదా మాత్రం అనుకోకండి. షార్ట్‌ ఫార్ములా పద్ధతిలో అది చాలా ఈజీయే అదెలాగంటే అందులో 6 పేరాలున్నాయనుకుందాం ఒక్కో పేరాను విడదీయాలి. వాటికి ఎ.బి.సి.డి.ఇ.ఎఫ్‌. ఇలా ఏవైనా అబ్రివేషన్లతో విడగొట్టాలి. అది ఒక కవి పరిచయమనుకున్నప్పుడు 'ఎ'లో కవి పేరు, పుట్టిన సంవత్సరం, బాల్యం ఉంటుంది. 'బి'లో విద్యాభ్యాసం చదువుకునే రోజుల్లో అతని ప్రతిభ తదితర విషయాలు ఉంటాయి. 'సి'లో అతను కవిగా మారడానికి ప్రభావితం చేసిన అంశాలుంటాయి. 'డి' అతని రచనలూ, సమాజంలో వాటి గుర్తింపూ లాంటి విషయాలు ఉంటాయి. అని సింపుల్‌గా గుర్తుంచుకుంటే ఎంత పెద్ద ప్రశ్న అయినా అది ఏ సబ్జెక్టు అయినా చకచకా రాయగలరు. ఇవేగాక రాజధానుల పేర్లో, దేశాలపేర్లో, మేథమేటిక్స్‌లోని సూత్రాలో గుర్తుంచుకునేందుకు కూడా అబ్రివేషన్లో, మీకు తోచిన ఇతర షార్ట్‌ ఫార్ములానో పాటించవచ్చు ఉదాహరణకు 'అకచిక' అన్నది ఒక షార్ట్‌కట్‌ ఫార్ములా. 

ఇది గుర్తుంటే అందులో 'అనంతపురం, కడప, చిత్తూరు, కర్నూలు' అన్న నాలుగు జిల్లాల పేర్లు రాసేయడం ఈజీ. ఇలాంటి ఫార్ములా ప్రయోగిస్తే పరీక్షల్లో చక్కటి ఫలితం రాబట్టవచ్చు. అయితే ఫార్ములాల వెతుకులాటలో పడి అసలుది వదిలిపెట్టే పని చేయకూడదు. కొందరు ఏ ఫార్ములా పాటించకున్నా బాగా చదవగలరు. కొందరికి గడగడా చదివితేనే గుర్తుంటాయి. కొందరికి నిశ్శబ్ద వాతావరణంలో... మనసులో చదువుకుంటేనే గుర్తుంటాయి. అంటే వారు ఆ విధంగా చదివేందుకు చిన్నప్పట్నించీ అలవాటు పడి ఉంటారు. కాబట్టి ఎవరికి వారు ఏ విధంగా చదివితే ప్రయోజనం ఉంటుందో కూడా ఒకసారి ఆలోచించుకొని ఆ తర్వాత ప్రణాళికాబద్ధంగా చదివితే చక్కటి ఫలితం ఉంటుంది.

మర్చిపోవడం ఎందుకు?

'బాగా చదువుతాం కానీ ఎందుకో గుర్తుండదు' అని ఎవరైనా అంటున్నారంటే దానికి వెనుక కారణం వేరు. ఎలా చదవాలో, చదివింది ఎలా గుర్తుంచుకోవాలో అవగాహన లేకపోవడం ఒకటైతే, వారిలో ఆ విధమైన అవగాహన కల్పించకపోవడం మరొకటి. విద్యార్థుల్లో పరీక్షలపట్ల సానుకూల దృక్పథం కల్పించే చర్యలు తీసుకోకపోతే టీచర్లదీ, తల్లిదండ్రులదీ తప్పే. చిన్నపిల్లల మనస్సు తెల్లకాగితం లాంటిది. అందులో ఏ గీతలు గీస్తే, ఏ రాతలు రాస్తే... అవి వారిని ప్రభావితం చేస్తుంటాయి. చదువుకునే విద్యార్థులూ అంతే తమ మనో ఫలకంపై ముద్రింపబడిన ఆలోచనలకు, భావాలకు అనుగుణంగానే వారి మనసు, మెదడు పనిచేస్తూంటుంది. ఉదాహరణకు 'నేనంతే నాకు ఎప్పుడూ సెకండ్‌క్లాస్‌ మార్కులే వస్తాయి. నాకున్న ట్యాలెంట్‌కు అంతకు మించి రావు' అన్న భావన బలంగా మనసులో నాటుకుపోయిందనుకోండి. మెదడు అందుకు అనుకూలంగానే స్పందిస్తుంది. 

ఆ విధమైన ఫలితాలు రాబట్టుకునేందుకే అది సహకరిస్తుంది. అంటే విద్యార్థులైనా, ఇంకెవరైనా తమ ప్రతిభకు తామే గిరీగీసుకొని సంకెళ్లు వేసుకుంటే, లేకపోతే ఆ విధంగా ప్రభావితమయ్యేలా ఎవరైనా ప్రభావితం చేస్తే, అవి నెగెటివ్‌ ఫీలింగ్స్‌గా మారి అపసవ్య ఆలోచన్లకు దారితీస్తాయి. వ్యతిరేక ఫలితాలకు కారణం అవుతాయి. అదే మీ ఆలోచనలకు పరిధులు గీయకుండా ఉంటే 'నేను ఎందుకు చదవలేను. ఏదైనా చదివేయగలను, గుర్తుంచుకోగలను. ఫస్టుక్లాసులో పాసవగలను. అదేం పెద్ద పనికాదు. చదవడం మన చేతిలోనే ఉన్నప్పుడు ఫలితం కూడా మనచేతిలోనే ఉన్నట్లు కాదా!' అని ఒక్కసారి ప్రశ్నించుకుంటే ఏదైనా సాధ్యమే అన్నభావనతో చదివితే మనసు అందుకు సహకరిస్తుంది. మెదడు ఆ విధంగానే స్పందిస్తుంది. ఫలితం ఆ విధంగానే వస్తుంది. ఇక్కడ ఒక విషయం గుర్తుంచుకోవాలి. 

అదేమిటంటే ఎవరైనా నెగెటివ్‌ ఆలోచన్లకు డిసైడైపోతే, వాటికి అలవాటు పడిపోతే అలాంటి ఫలితమే ఉంటుంది. పాజిటివ్‌ ఆలోచన్లకు అలవాటు పడితే, పాజిటివ్‌గా ఆలోచిస్తే ఫలితాలు అలాగే ఉంటాయి. కాబట్టి విద్యార్థులెప్పుడూ పాజిటివ్‌ దృక్పథంతో ఉండాలి. 'మిమ్మల్ని మీరు ఎలా అంచనా వేసుకుంటారో ఫలితమూ అలాగే ఉంటుంది. 'మేం ప్రతిభావంతులం' అని మీరనుకుంటే నిజంగా ప్రతిభ కనబర్చగలరు. 'ఏదీ సాధించలే'మని అనుకుంటే నిజంగానే సాధించలేరు అందుకే ముందు మీరు మానసికంగా సంసిద్ధమవ్వాలి. ఆ తర్వాత అది ఆచరణలో పెట్టాలి. ఇది పరీక్షలకు వర్తింపజేసుకుంటే ఎలా గట్టేక్కవచ్చునో మీరే నిర్ణయించుకోవచ్చు.

మొక్కలూ మాట్లాడుకుంటాయి!

మొక్కలూ మాట్లాడుకుంటాయి!

Shareవిజ్ఞాన వీచిక డెస్క్    Wed, 15 Feb 2012, IST  

మొక్కలలో స్పందనలు ఉంటాయని చాలాకాలం క్రితమే 'జగదీశ్‌ చంద్రబోస్‌' ప్రపంచానికి చూపించాడు. ప్రస్తుతం మొక్కలు పరస్పరం సంభాషించుకుంటాయని నిరూపించడమే కాకుండా, వాటిని ఏకంగా కెమెరాలో బంధించారు బ్రిటిష్‌ శాస్త్ర వేత్తలు. కాబేజి మొక్కలతో అధ్యయనం చేస్తూ, ఒక మొక్క ఆకును కత్తిరించిన వెంటనే, రాబోయే ప్రమాదం గురించి ఆ మొక్క తోటి మొక్కలను హెచ్చరించడాన్ని గుర్తిం చారు. ఈ అధ్యయనంలో కాబేజి మొక్క జన్యువులను మార్పు చేశారు. ఆకును తుంచినపుడు అందులో నుండి ఒక రకమైన వాయువు విడుదలవుతుంది. ఈ వాయువును కెమెరాతో చిత్రీకరించేందుకు వీలుగా వారు మిణుగురు పురుగుల కాంతికి కారణమైన 'లూసిఫరేజ్‌' అనే ఒక ఎంజైమ్‌ను ఉత్పత్తిజేసే డిఎన్‌ఏను మొక్క డిఎన్‌ఏలో ఇమిడ్చారు. ఆకును కత్తిరించిన వెంటనే మిథైల్‌ జాస్మోనేట్‌ అనే వాయువు విడుదలై, పక్క మొక్కలకి హెచ్చరికను జారీ చేసింది. వెంటనే తోటిమొక్కలు విషపూరితమైన రసాయనా లను తమ ఆకులపైకి పంపించాయి. ఇదంతా సహజ వాతా వరణంలో గొంగళి పురుగులు, ఇతర కీటకాలు ఆకులను తినేయ కుండా నిరోధించడానికి ఉపయోగపడుతుందని శాస్త్రజ్ఞులు భావిస్తున్నారు. ఇంతకాలం మొక్కలలో అసలు జీవం లేనట్టే మనం వ్యవహరించేవాళ్ళం. ఇకపై వాటికీ ప్రత్యేక భాషా, అనుభూతులూ.. వగైరాలు ఉంటాయని ఇపుడు అర్థంచేసుకోవాల్సి వస్తుంది. అయితే, మొక్కలలో (ఆ మాటకొస్తే అన్ని జీవులలో) సహజంగా పోటీతత్త్వం ఉంటుంది. అటువంటి పరిస్థితులలో మొక్కలు తోటి వాటికి ఎందుకు సహాయం చేస్తాయో తెలుసుకోవాల్సి ఉంది. మనకీ అటువంటి మంచి గుణం ఉంటే బావుండు కదూ!

గణతంత్ర వేడుకల్లో కొలువుదీరిన ఏటికొప్పాక లక్కబొమ్మ

• -కాండ్రకోట వీరునాయుడు
 
• 09/02/2012

TAGS:

ఏటికొప్పాక లక్కబొమ్మ భారత 63వ గణతంత్ర దినోత్సవం వేడుకల్లో కొలువుదీరే అరుదైన అవకాశం దక్కించుకుని వస్త్ర మంత్రాలయ కళాకారుల శకటంపై హుందాగా ఊరేగి అందరినీ ఆకట్టుకుంది. వందేళ్ళ కిందట నక్కపల్లి సంతలో లక్కపిడతగా కళాభిమానుల దయ, ఆదరణలను అర్థిస్తూ కళాకారులకు అరకొరగా తిండిగింజలందించిన లక్కబొమ్మ నేడు ఊరూ, వాడా దాటి దేశ విదేశాల్లో ముచ్చటగొలిపే ముద్దుగుమ్మగా కళాహృదయాలను ఆకర్షించి ఖండాంతర ఖ్యాతిని ఆర్జిస్తోంది. తనను నమ్ముకున్న హస్త కళాకారులకు పట్టెడన్నం పెట్టేందుకు కొత్తసొబగులద్దుకుని మారుతున్న కాలానికనుగుణంగా ముస్తాబయి కళా ప్రపంచంలో ఏటికొప్పాక కీర్తి పతాకను సమున్నతంగా ఎగరేస్తోంది. అంతర్జాతీయ స్థాయి పురస్కారాలు ఇప్పుడిప్పుడే ఏటికొప్పాకకు చేరువవుతున్నాయి. ఈ కృషిలో ముందుకు సాగిపోతున్న జాతీయ పురస్కార గ్రహీత, లిమ్కాబుక్ ఆఫ్ వరల్డ్ రికార్డ్స్‌లో స్థానం పొందిన నిత్యకృషీవలుడు యువకళాకారుడు శ్రీ శైలపు చిన్నయసూరి ఏటికొప్పాక లక్కబొమ్మని చంకనెత్తుకుని ప్రతిష్ఠాత్మక జాతీయస్థాయి ప్రదర్శనల్లో పాల్గొంటున్నాడు. జాతీయ హస్తకళల అభివృద్ధి సంస్థ ఆహ్వానం అందుకుని, డెవలప్‌మెంట్ కమిషనర్, హేండీక్రాఫ్ట్స్, న్యూఢిల్లీ వారి ప్రోత్సాహంతో చిన్నయాచారి బొమ్మల కళ విభాగంలో భారత గణతంత్ర దినోత్సవ వేడుకల్లో హస్తకళా ప్రదర్శకునిగా పాల్గొన్నాడు. ఈ వేడుకలో పాల్గొనేందుకు మినిస్ట్రీ ఆఫ్ టెక్స్‌టైల్స్ ‘వస్త్ర మంత్రాలయ’కు మొదటిసారి అవకాశం లభిస్తే అందులో ఆంధ్రప్రదేశ్ నుండి జాతీయస్థాయి కళాకారుడిగా ఏటికొప్పాక గ్రామస్థుడైన చిన్నయాచారి పాల్గొనడం రాష్ట్ర హస్తకళాకారులందరికీ గర్వకారణం. ఎనిమిది రోజులపాటు రక్షణశాఖ పర్యవేక్షణలో ఏటికొప్పాక లక్కబొమ్మల తయారీ కళను వస్తమ్రంత్రాలయ శకటంపై జనవరి 26న రిపబ్లిక్‌డే పెరేడ్‌లో ప్రదర్శించాడు. అంతర్జాతీయస్థాయి ప్రమాణాలతో లక్క బొమ్మలను అందంగా తయారు చేయటం నేర్చుకున్న చిన్నయాచారి ఇప్పుడు హర్యానా సూరజ్ కుంద్ జాతీయస్థాయి హస్తకళా ప్రదర్శనలో పాల్గొంటున్నాడు. ఫిబ్రవరి 15 వరకూ జరిగే ఈ ప్రదర్శనలో అందరూ పురస్కార గ్రహీతలే ప్రధానంగా పాల్గొన్నారు.
గతంలో రాష్టప్రతి చేతులమీదుగా జాతీయ పురస్కారం అందుకున్న చిన్నయాచారి ఏటికొప్పాక లక్కబొమ్మలను ఈ ప్రదర్శనలో ప్రదర్శిస్తాడు. అమ్మకం ప్రోత్సాహకరంగా ఉంటుందని, ఇలాంటి ప్రదర్శనలో పాల్గొనడం ద్వారా ఏటికొప్పాక లక్కబొమ్మలకు ఆదరణ పెరుగుతుందని, తద్వారా మా గ్రామ హస్తకళాకారులందరికీ పని, ప్రోత్సాహం లభిస్తుందని ఆశాభావం వ్యక్తం చేస్తున్నాడు చిన్నయాచారి.

కాంతులీనే పుష్పాల తయారీ!

కాంతులీనే పుష్పాల తయారీ!

Shareవిజ్ఞాన వీచిక డెస్క్    Wed, 15 Feb 2012, IST  

ఎటువంటి అదనపు హంగులూ, ఆర్భాటాలూ, హంగామా లేకుండానే పూలు మనల్నీ, కీటకాలనీ ఆకర్షిస్తాయి. ఇప్పుడు వాటికి కొత్తగా కాంతిని వెదజల్లే లక్షణాన్ని సైన్సు ఆపాదిస్తుంది. ఆస్ట్రేలియాకు చెందిన 'మార్క్‌ టెస్టర్‌' అనే శాస్త్రవేత్త ఒక ప్రత్యేక ఫార్ములాను రూపొం దించాడు. 'గలాసియ' అనే పూల నుండి ఒక పదార్థాన్ని సేకరించి, దాన్ని ఇతర పూలపై జల్లి, వాటిని ఒక ప్రత్యేక పరికరం సమీపంలో ఉంచితే చాలు. పూలూ, ఆకులూ కాంతితో మెరిసిపోతాయి. అంతే కాకుండా మనకి అవసరమైన మేరకు కాంతిని అదుపుచేసుకునే వీలూ ఉందట. పైగా, పూలు ఎండిపోయిన తర్వాత కూడా కొన్ని నెలలపాటు ఆ రసాయనం ప్రభావం చూపుతుందట. పూల నుండి సేకరించిన ఈ రసాయన పదార్థం వల్ల ఎటువంటి దుష్ప్రభావాలూ ఉండవట. ఒకవేళ ప్రమాదవశాత్తూ ఇది మీదపడితే నీళ్ళతో శుభ్రం గా కడిగేసుకోవచ్చట. ప్రస్తుతం ఆస్ట్రేలియాలో ఇటువంటి పరి కరం, రసాయనం అమ్మకానికి ఉన్నాయట. త్వరలోనే అన్ని దేశాలలో ఇది లభిస్తుందని ఆశిద్దాం.

సైన్స్‌ ప్రచారం..

సైన్స్‌ ప్రచారం..

Shareవిజ్ఞాన వీచిక డెస్క్    Wed, 15 Feb 2012, IST  

జాతీయ శాస్త్ర, సాంకేతిక సంస్థ, ఆలిండియా రేడియో సహకారంతో 'నిత్యజీవితంలో రసాయనిక శాస్త్రం' అనే అంశంపై 30 నిమిషాల వ్యవధితో 13 ఎపిసోడ్‌లను రూపొందించి, ప్రసారం చేసింది. 'ఆధునిక సైన్సు ఆవిర్భావం' పై మరో 13 ఎపిసోడ్‌ల కార్యక్రమాన్ని ప్రసారం చేసింది. 'అంతర్జాతీయ భూగ్రహ వార్షికోత్సవ (2008లో)' సందర్భంలో 52 వారాలు ధారావాహిక ప్రసార కార్యక్రమాల్ని నిర్వహించింది. 'అంతర్జాతీయ భౌతికశాస్త్ర దినోత్సవం (2005)' లో భాగంగా 'ఆల్‌బర్ట్‌ ఐన్‌స్టీన్‌' విగ్రహాన్ని తిరుపతిలో ఆవిష్కరించింది. 'చెకుముకి' అనే బాలల సైన్స్‌ మ్యాగజైన్‌ను ప్రచురిస్తోంది. 'చెకుముకి సైన్స్‌ టాలెంట్‌ టెస్ట్‌' పేరుతో ప్రతి సంవత్సరం విజ్ఞానోత్సవాలను నిర్వహిస్తుంది. పేరుకు మాత్రమే ఇది 'టెస్ట్‌' ఆచరణలో ఇదొక 'పిల్లల పండుగ'. తద్వారా పిల్లల్లో పరీక్షలంటే ఉన్న భయాన్ని పోగొడ్తుంది. ప్రతి పండుగలో లక్షలాదిమంది పిల్లలు ఉత్సాహంగా పాల్గొంటు న్నారు. జీవితకాలం గుర్తుండే అనుభవం పొందుతున్నారు.

విజ్ఞానశాస్త్రానికి సంబంధించిన అన్ని కార్యక్రమాల్ని ఇది చేస్తుంది. ప్రధానంగా మూఢవిశ్వాసాలు ప్రబలినప్పుడు వాటిని గురించి ప్రజల్లో అవగాహన కల్పించేం దుకు అనేక ప్రదర్శనలు, ప్రచార కార్యక్రమాలు నిర్వహిస్తుంది. గ్రహణం మొర్రి, చంద్ర, సూర్యగ్రహణాలు ఏర్పడినప్పుడు అవగాహనా కార్యక్రమాల్ని ప్రదర్శన రూపాల్లో చేస్తుంది. దొంగబాబాల మోసాలను బట్టబయలుజేస్తూ ప్రజల్ని చైతన్య వంతుల్ని చేస్తోంది. సైన్స్‌లో సృజనాత్మకతను జోడించి, బోధించేందుకు ఆ రంగంలోని ఉపాధ్యాయులకు ప్రత్యేక శిక్షణా తరగుతులు నిర్వహించింది. సైన్స్‌ బోధనకు తోడ్పడేలా తక్కువ ఖర్చుతో 'సైన్స్‌ కిట్స్‌'ను ప్రచారంలో పెట్టింది. చిన్న పిల్లల్లో సైన్స్‌పట్ల ఆసక్తిని పెంచడానికి 'బాలోత్సవ్‌లు, సృజనోత్సవాలు, బాలమేళాలు' వంటి పండుగలను పెద్దఎత్తున జరుపుతోంది.

గమనిక: ఈ పేజీపై మీ స్పందనలను 9490098903కి ఫోను చేసి తెలియజేయండి.

చేసిన కృషి.. గుర్తింపు..

Shareవిజ్ఞాన వీచిక డెస్క్    Wed, 15 Feb 2012, IST  

'ప్రజల కోసం సైన్స్‌.. శాంతి కోసం సైన్స్‌.. ప్రగతి కోసం సైన్స్‌.. నిజం కోసం సైన్స్‌... స్వావలంబన కోసం సైన్స్‌..' వంటి నినాదాలను ప్రచారంలో పెట్టింది. తద్వార నిత్యజీవితంలో విజ్ఞానశాస్త్ర ప్రాధాన్యత ప్రజలచే గుర్తించడానికి కృషి చేసింది. జాతీయ శాస్త్ర, సాంకేతిక సంస్థలతో కలిసి జనవిజ్ఞాన వేదిక విద్య, వైద్య, విజ్ఞానశాస్త్ర ప్రచారాలను పెద్దఎత్తున చేపట్టింది. గ్రామ, మండల, జిల్లా స్థాయి మొదలుకొని, రాష్ట్రస్థాయి వరకూ అభివృద్ధిని ఆటంకపరుస్తున్న సమస్యలను గుర్తిస్తూ పరిష్కారానికి కృషి చేసింది. ముఖ్యంగా మహిళలకు గల హక్కుల్ని గుర్తింప జేస్తూ, వారిని స్వశక్తీకరించింది. సాంఘిక రంగంలో 'సమతా విభాగం' పేర కృషి చేస్తుంది. ఈ వేదిక చేస్తున్న 'ఎనలేని సేవలకు' గుర్తింపుగా కేంద్ర ప్రభుత్వ శాస్త్ర, సాంకేతిక విభాగాల నుండి 2005 'జాతీయ అవార్డు'ను పొందింది. 25వ సంవత్స రంలోకి అడుగిడుతూ 'రజితోత్సవాల'ను జరుపుకుంటున్న జనవిజ్ఞానవేదిక 50 వేలకు పైగా సభ్యత్వం కలిగి ఉంది. ప్రధానంగా ఉపాధ్యాయులు, వైద్యులు, మేధావులు, శాస్త్రవేత్తలు, ప్రజాసైన్స్‌ ఉద్యమాభిలాషులు ఎందరో దీనిలో సభ్యులుగా ఉన్నారు.

ప్రజా విజ్ఞానం .. ఆకాంక్షలు .. అనుభవాలు

ప్రజా విజ్ఞానం .. ఆకాంక్షలు .. అనుభవాలు

Shareవిజ్ఞాన వీచిక డెస్క్    Wed, 15 Feb 2012, IST  

మానవ నాగరికాభివృద్ధిలో శాస్త్ర, సాంకేతిక విజ్ఞానం ఎంతో కీలకపాత్ర పోషించింది. యుద్ధాల జయాపజయాలలో, ఓడిన సమాజాల్ని, ప్రజల్ని బానిసలుగా మార్చుకోవడంలో, దోపిడీలో ఇది ఎంతో ప్రాధాన్యత కలిగి ఉంది. ఈ నేపథ్యంలో స్వాతంత్య్రానంతరం మొదటి ప్రధాని నెహ్రూ, బాబా, భట్నాగర్‌ వంటి శాస్త్రజ్ఞులు దేశాభివృద్ధికి, స్వావలంబనకు విజ్ఞానశాస్త్రంపై అపార విశ్వాసాన్ని ఉంచి, అభివృద్ధిపై కేంద్రీకరించారు. సామాన్యుల సమస్యలను పరిష్కరించడంలో ఈ విజ్ఞాన పాత్రను, ప్రాధాన్యతను ప్రజలందరిచే గుర్తింప చేయడానికి, నిత్యజీవితంలో శాస్త్రీయ దృక్పథాన్ని అలవర్చుకుని, ఆధునిక భారత నిర్మాణంలో అందరికీ భాగస్వామ్యం కలిగించాలనే ప్రధాన లక్ష్యంతో 'ప్రజాసైన్స్‌' ఉద్యమం ప్రారంభమైంది. కొద్దిమంది శాస్త్రజ్ఞులతో ఈ ఉద్యమం 1950 దశకంలోనే ఆరంభమైంది. ప్రజలందరికీ అర్థమయ్యే స్థానిక భాషల్లో విజ్ఞానాన్ని అందించే ప్రయత్నంతో ఈ ఉద్యమం రూపుదిద్దుకొంది. కేరళ శాస్త్ర, సాహిత్య పరిషత్‌ సహా 26 విజ్ఞానశాస్త్ర సంఘాలు 1987లో 'భారత జ్ఞాన విజ్ఞాన జాతా' పేరుతో సైన్సు విజ్ఞానాన్ని సామాన్యుల్లోకి తెచ్చే బృహత్‌ విజ్ఞాన, సాంస్కృతిక కళారూపాల కార్యక్రమాలు ప్రారంభమయ్యాయి. అంతిమంగా ఈ కృషి కేరళలోని కొచ్చి దగ్గర 'అఖిలభారత ప్రజాసైన్స్‌ నెట్‌వర్క్‌' ఏర్పాటుకు దారితీసింది. దీనిలో భాగంగా 'జనవిజ్ఞాన వేదిక', ఆంధ్రప్రదేశ్‌ ఫిబ్రవరి 28న 1988లో విజయవాడలో ప్రారంభమైంది. దీని రజితోత్సవాలు ఈ నెల 26-28 తేదీల్లో మహాసభలతో ప్రారంభమవుతున్నాయి. ఈ సందర్భంలో 'ప్రజావిజ్ఞాన ప్రస్థానాన్ని, అది ఎదుర్కొంటున్న సవాళ్ల'ను సంక్షిప్తంగా.. మూడు భాగాల్లో 'విజ్ఞానవీచిక' విశ్లేషిస్తోంది. అందులో మొదటిభాగం ఇది.

లక్ష్యాలు...

ఫిబ్రవరి 28, 1988లో 'జనవిజ్ఞాన వేదిక' ఈ కింది లక్ష్యాలతో ఏర్పడింది.

* విజ్ఞానశాస్త్రాన్ని ప్రచారం చేయడం. అందరిలో శాస్త్రీయ దృక్పథాన్ని పెంపొందించడం.

* విజ్ఞానశాస్త్ర ప్రచారం ద్వారా మూఢవిశ్వాసాలను, ఛాందసభావాల్ని తొలగించడం.

* ప్రజలెదుర్కొంటున్న మౌలిక సమస్యల కారణాలను గుర్తించి, పరిష్కార మార్గాలను చూపెట్టడం.

* శాస్త్ర విజ్ఞాన లాభాలను ధనికులతో పాటు పేదలకూ అందేలా కృషి చేయడం.

* విజ్ఞాన సముపార్జనను ప్రోత్సహించడం, జాతీయ సమగ్రతకు, స్వావలంబనకు, సామాజికాభివృద్ధికి, సాంస్కృతిక వికాసానికి కృషి చేయడం.

* ప్రజా సంక్షేమాన్ని కేంద్రబిందువుగా చేసుకొని, వైవిధ్యభరితమైన పరిశోధనలను ప్రోత్సహించడం.

* పై లక్ష్యాలకు అనుగుణంగా వివిధ కార్యక్రమాల్ని రూపొందించి, అమలు చేయడం.

తరతరాలుగా నిరూపితమవుతున్న అంశాల జ్ఞానాన్ని క్రోడీకరిస్తూ, వివిధ విజ్ఞానాంశాల మధ్యగల అంతర సంబంధాలను విడమర్చి చెప్పేదే విజ్ఞానశాస్త్రం. ఈ విజ్ఞానం నేరుగా కాక, దీని ఆధారంగా రూపొందిన సాంకేతికాల ద్వారా వినియోగంలోకి వస్తుంది. దీని ఫలితాలు, ప్రభావం ఎంపికచేసి, వినియోగిస్తున్న యజమాని, ఆధిపత్యం వహిస్తున్న వారి స్వభావంపై ఆధారపడి ఉంటుంది. దీంతో విజ్ఞాన ఫలితాలు అందరికీ ఒకేవిధంగా ఉపయోగపడటం లేదు.

ఈ విజ్ఞానాన్ని ఏ కొద్దిమందో లేదా శాస్త్రజ్ఞులు మాత్రమే రూపొందించింది కాదు. ప్రపంచ మానవాళి సంయుక్తంగా సమకూర్చిన జ్ఞానమిది. ఇది ఉత్సుకతను, అనురక్తిని కలిగించే కళ అయినప్పటికీ కేవలం ఆనందం, అనుభూతులకు మాత్రమే ఉపయోగపడేది కాదు. దీంతో ప్రకృతిపై పోరాడుతూ మానవుడు తన జీవితాన్ని మెరుగుపరుచుకున్నాడు. ఈ విజ్ఞానం మానవ వికాసానికే కాక, వినాశనానికీ (యుద్ధ సమయంలో) ఉపయోగపడింది. ప్రకృతినీ క్షీణింపజేస్తుంది. ఇది అందరికీ ఉపయోగపడాలనే బలమైన కాంక్షతో 'ప్రజాసైన్స్‌ ఉద్యమం' రూపుదిద్దుకుంది.

ప్రజా విజ్ఞానం..

అందరికీ అందుబాటులో ఉంటూ ఉపయోగపడే విజ్ఞానమే ప్రజా విజ్ఞానం. ఉదా: నాణ్యమైన తాగే మంచినీరు దాదాపు 80 శాతం రోగాల్ని నివారిస్తుంది. నీటిని కాచి, చల్లార్చి, వడపోసి తాగితే ఈ జబ్బుల్ని నివారించవచ్చు. ఈ సాంకేతిక విజ్ఞానం అందరికీ అందుబాటులో ఉంటుంది. అందువల్ల ఈ విజ్ఞానం 'ప్రజా విజ్ఞానం'. దీనికి బదులుగా మినరల్‌ వాటర్‌ను గ్రామగ్రామాన 'రివర్స్‌ ఆస్మోసిస్‌' సాంకేతిక పరిజ్ఞానంతో 'రక్షిత మంచినీటి'గా గ్రామీణులకు సరఫరా చేయాలని అప్పటి రాజశేఖరరెడ్డి ప్రభుత్వం ప్రతిపాదించింది. అందుకు ప్రజలు అంగీకరించలేదు. ఇది నీటిని వ్యాపారీకరించడానికి, కంపెనీలకు లాభాల్ని చేకూర్చేందుకు దోహదపడే విజ్ఞానం. మెజారిటీగా ఉన్న పేదలు, ముఖ్యంగా సుదూర ప్రాంతాల్లో ఉన్న గిరిజనులు నీటిని కొని, తాగలేరు. అందువల్ల ఇదొకరకం వ్యాపార విజ్ఞానం.

శాస్త్రీయ దృక్పథం..

నిత్యజీవితంలో ఎన్నో పరిణామాల్ని చూస్తుంటాం. ప్రతీ పరిణామానికీ కొన్ని కారణాలుంటాయి. ఈ కారణాలను గుర్తించడం, గుర్తించాలనే కాంక్ష కలిగి ఉండటం శాస్త్రీయ దృక్పథం. ఈ పరిణామాలకు లేక మార్పులకు ఏ మానవాతీత అద్భుతశక్తుల ప్రమేయాన్ని విజ్ఞానశాస్త్రం అంగీకరించదు. కేవలం నిరూపితం అయిన లేదా కాగల అంశాలను పరిగణనలోకి తీసుకుంటుంది. కొత్త ఆవిష్కరణలతో ఇదివరకే తెలిసిన విజ్ఞానాన్ని మార్చుకోవాల్సి వస్తే ఒక్క క్షణమైనా తటపటాయించదు.

మన రాజ్యాంగం ఆర్టికల్‌ 51ఎ(హెచ్‌) ద్వారా శాస్త్రీయ దృక్పథాన్ని కలిగి ఉండే ప్రాథమిక బాధ్యతను పౌరులందరిపై పెట్టింది. మానవత్వ విలువలనూ, పరిశోధన తత్వాన్ని, సంస్కరణ గుణాలనూ అభివృద్ధిపర్చుకోవాలనే బాధ్యతను కూడా పౌరులపై ఉంచింది. కానీ రాజ్యాంగబద్ధంగా ఉంటామని, ఎన్నికై అధికారం చేపట్టిన వారు, ఇతరులు దీనికనుగుణంగా నడుచుకోవడం లేదు. ఇది మన సమాజంలోని ద్వంద్వ విలువల్ని ప్రతిబింబిస్తుంది.

ఆరోగ్య కార్యక్రమం..

ప్రజలకు అవసరమైన ఆరోగ్య విధానాల కోసం, రక్షణ కోసం కృషి చేస్తోంది. ఆరోగ్య సమస్యలపై అధ్యయనాలు చేస్తుంది. గిరిజన తదితర ప్రాంతాల్లోని ప్రజల ఆరోగ్యం పట్ల ప్రత్యేకశ్రద్ధ వహిస్తూ వారికి వైద్యసేవలను అందించేందుకు పలు కార్యక్రమాలను చేపడుతోంది. 'జన శ్వాస్త్య అభియాన్‌' ప్రజా వైద్యంలో భాగంగా ఉంటూ ప్రత్యామ్నాయ ఆరోగ్య విధానాల కోసం కృషి చేస్తోంది. రాష్ట్రంలో మద్య నిషేధం కోసం కూడా పెద్దఎత్తున కార్యక్రమాల్ని నిర్వహించింది. దీనికి అక్షరాస్యతా ఉద్యమం ఎంతగానో తోడ్పడింది. ఆరోగ్య, సాంకేతికాలను ఉపయోగించుకుంటూ ప్రజల్ని దోచుకోవడాన్ని వ్యతిరేకిస్తుంది. శీతలపానీయాలు వంటి బహుళజాతి కంపెనీల ఉత్పత్తుల వల్ల ప్రజారోగ్యం ఏవిధంగా దెబ్బతింటుందో వివరిస్తూ విస్తృత ప్రచార కార్యక్రమాల్ని నిర్వహించింది. ఉబ్బసం నివారణకు 'చేపమందు' వంటి అశాస్త్రీయ వైద్యవిధానం గురించి ప్రజల్లో విస్తృత అవగాహన కల్పించి, కొంతమేర విజయం సాధించింది. ఎదిగిన ఆడపిల్లల్లో ఆరోగ్య పరిరక్షణ విషయంలో ఎన్నో అవగాహనా కార్యక్రమాల్ని నిర్వహించింది. గర్భాశయ ముఖద్వార కాన్యర్‌కు సంబంధించి మన దేశంలో జరుగుతున్న వ్యాక్సిన్‌ అనధికార ప్రయోగాల్ని వ్యతిరేకించింది. వనితా కళా జాతాలను నిర్వహించింది. వివక్షను ఆదిలోనే పెంచే లింగ నిర్ధారణ పరీక్షలను వ్యతిరేకిస్తూ ప్రచారాన్నీ చేపట్టింది.

పర్యావరణం..

పర్యావరణానుకూల విధానాల కోసం కృషి చేస్తోంది. విచక్షణా రహితంగా ప్రకృతి వనరుల వినియోగాన్ని, విచ్ఛిన్నానికి వ్యతిరేకంగా, వివిధ రసాయనాల వాడకం, ఎరువులు, సస్యరక్షణ మందులకు వ్యతిరేకంగా ప్రచారం చేస్తోంది. సామాన్యులపై భారాలు మోపుతూ జాతీయ ప్రయోజనాలకు వ్యతిరేకంగా ఉండే బహుళజాతి కంపెనీల లాభాలకు వ్యతిరేకంగా అనేక ప్రచార కార్యక్రమాలను చేపట్టింది. ప్రజా సంక్షేమం, పర్యావరణ సుస్థిరతకు లోబడే విధంగా పారిశ్రామికీ కరణను, ఆటోమేషిన్‌ సాంకేతిక విజ్ఞానాన్ని ప్రోత్సహిస్తోంది.

సాంస్కృతిక వారసత్వం..

మన సంస్కృతి వారసత్వాన్ని, ప్రజా కళారూపాల్ని పరిరక్షిస్తూ సాంప్రదాయ సాంకేతిక విజ్ఞానాన్ని, భాషను, జీవన విధానాన్ని, విలువల్ని ప్రోత్సహించే విధంగా జనవిజ్ఞానవేదిక ప్రచారం చేస్తోంది. జుగుప్సను కలిగించే విదేశీ సంస్కృతిని వ్యతిరేకిస్తోంది. ప్రజా విజ్ఞానం ఆధారంగా ఎన్నో కొత్త కళారూపాల్ని రూపొందించి, ప్రచారంలో పెట్టింది.

అభివృద్ధి కార్యక్రమాలు..

సమయానుకూలంగా ముందుకొస్తున్న అభివృద్ధి సమస్యలపై అధ్యయనం చేసి, ప్రజా చైతన్య కార్యక్రమాలను నిర్వహించింది. 'ఆంధ్రప్రదేశ్‌ అభివృద్ధి సమస్యలు - అసమానతలు' అనే అంశంపై 'సుందరయ్య విజ్ఞానకేంద్రం'తో సంయుక్తంగా అధ్యయనం చేశారు. వివిధ స్థాయిలో అభివృద్ధి-అసమానతలకు గల కారణాలను గుర్తించారు. స్థానిక వనరుల ఆధారంగా ప్రత్యామ్నాయ అభివృద్ధి ప్రణాళికను తయారుచేశారు.

అనుభవాలు..

ప్రజా విజ్ఞాన కార్యక్రమాలకు ప్రజలు స్పందిస్తున్నారు. సంబంధిత ప్రభుత్వ సంస్థలు సహకరిస్తున్నాయి. బాణామతి, చేతబడి, దెయ్యం వంటి సమస్యలు ముందు కొచ్చినప్పుడు నేరుగా జనవిజ్ఞానవేదికను సంప్రదించి చైతన్య కార్యక్రమాలను నిర్వ హించేందుకు దోహదపడుతున్నాయి. అయితే, ఈ మూఢవిశ్వాసాలు బలంగా ఇమిడి ఉన్నప్పుడు (ఉదా: చేపమందు) సాంప్రదాయవాదుల నుండి కొంత వ్యతిరేకతా వస్తుంది. జనవిజ్ఞానవేదిక నాయకులు ముగ్గురు, ఉపాధ్యాయ ఉద్యమ నాయకులు ఐదుగురు శాసనమండలికి ఎన్నికయ్యారు. దీంతో రాష్ట్రాభివృద్ధిలో జోక్యం చేసుకునే అవకాశాలూ, బాధ్యతలూ మరింత పెరిగాయి.